УНО, легендарната игра со карти што со години носи смеа, напнатост и дебата за правилата во дневните соби низ целиот свет, сега влегува во сосема нова димензија. „Мател“ штотуку го лансира „УНО друштвен клуб, ексклузивно искуство базирано на популарната игра. И првата локација се отвора каде што забавата никогаш не запира – во Лас Вегас, се разбира.
Првиот клуб ќе ги отвори своите врати во „Палмс казино ресорт“. Тоа е ексклузивен апартман целосно декориран во препознатливите бои на играта – црвена, жолта, сина и зелена, со приватна кугларница, тематски декор и, се разбира, маси со многу варијации на играта. Покрај визуелното искуство, клубот има и водител на играта, кој се грижи да се почитуваат правилата, вклучувајќи го и познатото правило „Плус 4“.
Професионален играч на УНО?
Иако клубот се наоѓа во казино, во моментов нема планирано официјално обложување, но со оглед на форматот на турнирот што „Мател“ го планира за идните клубови низ САД, не би било изненадувачки ако натпреварувачкиот дух дополнително се разгори. И ова е само почеток, „Мател“ го најавува проширувањето на клубовите на УНО во други градови и локации низ целата земја, вклучувајќи барови и друштвени простори, создавајќи нов вид вечерно излегување за љубителите на игри.
